A PALABRA DO ANO.

A Real Academia galega e a Fundación Barrié animan á cidadanía a escoller a palabra do ano. O prazo para votar, a través do portal das palabras, está aberto ata o 25 de decembro.

As palabras finalistas foron:

GROMO

MÁSCARA

NÓS

PANDEMIA

SETEIRO

VACINA

A palabra do ano foi, finalmente, nós.

DEREITOS HUMANOS. 10 DE DECEMBRO.

 

O galego na miña vida | Ángel Carracedo | LGx15

 

Neste enlace de Gciencia podedes ler o artigo: Carracedo: "O galego é un idioma precioso que non debemos deixar perder", inclúe o vídeo anterior. 

A canle de Youtube da CTNL (Coordinadora de Traballadores/as da Normalización da Lingua) permite acceso libra ás interesantes charlas LGx15 Ideas para o futuro da lingua.

25 DE NOVEMBRO. INVISIBLES. Relatos do maltrato.

 

25 DE NOVEMBRO. DÍA CONTRA A VIOLENCIA DE XÉNERO.

Invisibles. Relatos de maltrato son 7 relatos curtos, que teñen a forza directa do cotidiano e común, coa dor que pechan as historias que mancan forte, coa violencia do desprezo da palabra que ultraxa, que fire ou do puño que golpea e bate... 7 historias reais escritas por Montse Fajardo (editadas en Edicións Matriarcas) e que sen dúbida logran impactar. 

Son invisibles moitas mulleres que sofren distintos tipos de maltrato como tamén o son, desgraciadamente, moitos maltratadores que exercen o seu poder dun modo progresivo e agobiante pero tamén invisible, ás veces, para os que podan observalos. Mestres da manipulación e da violencia, ademais do forte control emocional... poden exercer terror sobre a vítima e moitas veces tamén á familia que soporta  esta eiva.

Un texto duro, uns relatos impactantes... Un bo modo de reflexionar despois da lectura sobre a prevención dunha difícil realidade que pode afectar a calquera muller. Tamén son estas páxinas unha chamada a protexerse, detectar os primeiros síntomas para cortalo e chegado o caso ter o valor de denunciar e lograr recuperar as ansias de vivir en liberdade.

MES DA CIENCIA EN GALEGO

Novembro é o mes da Ciencia en galego, nese contexto podedes acceder a  16 Vídeos de Ciencia en galego. Un exemplo deles é esta reflexión sobre as "Invasións biolóxicas" sintetizada nesta didáctica presentación:

 

Neste ENLACE tamén atoparedes interantes vídeos sobre xeoloxía de Galicia. Unha mostra do traballo de Xacobo de Toro en XeoClip é a seguinte:

   

 Por último, deixo a referencia ó Vídeo "A perda da escuridade" é unha versión en galego de "Losing the Dark":

Para desfrutar coa ciencia...

QUE VICHES NO GALEGO QUE CHE INTERESE TANTO?

Un interesante vídeo para reflexionar sobre a lingua...

 

FILMES GALEGOS PARA VER EN DEFUNTOS E CONXUROS CONTRA A COVID

A pandemia seguro que fará que este ano vivamos dun modo distinto estas datas nas que recordamos ós defuntos. Neste enlace (de praza.gal) accederedes a 20 filmes galegos para ver estes días...

Tamén podedes ler algún dos conxuros que o alumnado fixo para "escorrentar" o COVID. 

En Bibliocabe están as orixinais propostas presentadas  ao concurso "Conxurando".

REGUEIFAS NA BIBLIOTECA

Este curso (para continuar coa tradición de traballar nun Obradoiro coas regueifas) organizouse, de modo conxunto coa Biblioteca do centro e Vicedirección, unha xornada na que o alumnado de 3ºESO aprendeu da regueifeira Ana María Rodríguez (cantante e improvisadora oral galega e colaboradora co Proxecto "Regueifista" para introducilas no ámbito educativo).

Improvisación,  xogo, ironía, humor... encheron de imaxinación e de versos a xornada do 23 de outubro.

Podedes ver os vídeos da actividade, realizados na Biblioteca.

BENVIDOS Ó BLOG DE DINAMIZACIÓN LINGÜÍSTICA DO RÍO CABE

Na entrada do centro, un gran cartel dá a BENVIDA, en moi diferentes linguas... 

É unha maneira de acoller ás distintas nacionalidades que atravesan as nosas portas, que  falan noutros idiomas, que compartirán un espazo de convivencia, estudo, aprendizaxe, colaboración, novas oportunidades...

Neste blog de Dinamización Lingüística, queremos expresar deste modo a acollida ós membros da Comunidade educativa. Pretende ser unha ventá aberta desde a que compartiremos actividades, experiencias, informacións... Tamén sistematizaremos diversos recursos na rede que podan axudar a aprender a nosa lingua ós que aínda non a coñezan ou tamén a resolver dúbidas, informarse de aspectos culturais, eventos, concursos...

Benvidos ó novo blog.