O
xoves 13 de abril tivo lugar no Salón de Actos do IES Río Cabe (Monforte de
Lemos) a final intercentros do concurso de Oratoria Improvisada en Lingua
Galega. Trátase dunha actividade, organizada polo Equipo de Dinamización da
Lingua Galega, que xa conta con tradición no noso centro e na que, este
curso 2022-23, participarondous centros máis: o IES Martaguisela, do Barco de
Valdeorras, e o IES Xograr Afonso Gómez, de Sarria. Na final participaron 21 estudantes
dos diferentes niveis educativos dos tres institutos; a rapazada debía falar un
minuto sobre unha palabra escollida ao chou dunha preselección. Pode parecer
sinxelo, mais non o é. As intervenciónsforon, malia os nervios, marabillosas, e
o alumnado deu renda solta á improvisación, á creatividade e, incluso, á
etimoloxía. O acto rematou cunha actuación musical en directo e coa entrega de
diplomas e agasallos aos finalistas e premios aos tres alumnos que mellor
puntuación acadaron neste orixinal duelo lingüístico. O xurado, composto por unha
docente de cada un dos tres centros, non o tivo nada doado.
A
xornada continuou con tres actividades colectivas: unha visita guiada polo
Monforte medieval e histórico (conxunto arquitectónico de San Vicente do Pino,
xudería, Praza de España, Colexio de Nosa Señora da Antigua, Ponte Medieval)
con parada na antiga librería Xistral, poñendo así en valor a figura do poeta
Manuel María (que estaban estudando algúns mozos), e coa intervención de dúas
alumnas do IES Martaguisela, que prepararan a lenda da Coroa de Lume para os seus compañeiros; unha comida de
confraternidade no comedor do IES Río Cabe e, finalmente, a visita ao mirador
do Duque, que permitiu admirar a beleza da contorna dende un punto que a
maioría dos rapaces non coñecían. Púxose desde xeito fin a unha agradable
xornada que esperamos se consolide e continúe nos próximos anos. Os mozos xa
están pensando no lugar de celebración da final na próxima edición!
Os
premiados nas diferentes categorías foron os seguintes:
Categoría 1.ºe 2.º de ESO:
Marc
López Celeiro (IES XograrAfonso Gómez)
Icía Veiga
López (IES XograrAfonso Gómez)
Paula
Bouso González (IES Río Cabe)
Categoría 3.ºe 4.º de ESO:
Demetrio
González Álvarez (IES Río Cabe)
Mario
Prada Rodríguez (IES Martaguisela)
Anxo
Sobrado Rodríguez (IES XograrAfonso Gómez)
Categoría 1.ºe 2.º de BAC
Carlos
Vilariño Romero (IES XograrAfonso Gómez)
Mauro
Díaz Gayoso (IES XograrAfonso Gómez)
Héctor
Rosende Núñez (IES Río Cabe)
Dende aquí, enviámoslles os nosos máis sinceiros parabéns e animámolos a continuar participando nas próximas edicións.
