O Equipo de Normalización Lingüística únese á iniciativa proposta polo Equipo da Biblioteca (Nadal en clave feminina) para adornar á árbore con lecturas de Nadal. Nas tarxetas, elaboradas e decoradas polos rapaces, aparecen obras de diferentes autoras.
Desexámosvos unhas boas vacacións.
No Portal das Palabras podedes votar a palabra do ano 2021 entre estas finalistas.
COADA
GROMO
RESILIENCIA
TANXUGUEIRAS
VACINÓDROMO
A elixida foi TANXUGUEIRAS polo nome do grupo que poderá participar no Festival de Eurovisión
Podedes ver neste enlace as palabras gañadoras de anos anteriores
Neste curso, por iniciativa do Departamento de Francés (e coa colaboración do Equipo TIL, Biblioteca, Normalización Lingüística e diferentes departamentos) o alumnado elaborou variados marcapáxinas para ilustrar este problema.
O obxectivo era reflexionar sobre a violencia de xénero e compartir cos demais as frases, lemas, debuxos... que libremente plasmaron.
Déoxovos estas duras imaxes, que penso sintetizan visualmente unha dura realidade que desgraciadamente é noticia.
Noraboa á organización e participantes na iniciativa!
O venres 11 tivemos no Río Cabe a final do Concurso de Oratoria de Bacharelato.
Despois dunha interesantísima participación e implicación do alumnado, os resultados foron os seguintes:
-1º Premio Saúl Fajardo (1ºA )
-2º: Manuel Díaz (1º A BAC)
-3º Rebeca Varela (1º B BAC)
A actividade foi organizada por Normalización Lingüística e o Dpto de L. galega.
Por limitacións do aforo só estiveron presentes os que chegaron á final (un total de 32 alumnos que previamente concursaran en cada clase).
Foron escoitados con total atención por parte dos presentes na sala.
O primeiro premio foi para:
-Sabela López Mariño (de 2º A).
O 2º:
- Alla Castro de la Fuente (1ºB)
O 3º premio conseguiuno
-Iara Rodríguez González (2ºB).
No caso de 2º Ciclo da ESO quedaron finalistas:
-1º Premio: Salma Díaz Pizarro (3ºB ESO)
-2º: Ariadna Valdés Fernández (4ºC)
-3º Miguel Vega López (4º A)
Foi unha estupenda experiencia na que o alumnado demostrou a súa capacidade de improvisación, imaxinación... ¡Noraboa!
En colaboración con distintos Departamentos (Educación Fsica, Bioloxía, L. galega) e Normalización Lingüística organízase, dende hai anos, un percorrido pola Ruta Uxío Novoneyra.
Foi unha ocasión para ler algún poema...
Do 11-17 diferentes grupos acudiron á Biblioteca para visitar a Exposición Itinerante sobre Xela Arias, que podedes ver nas imaxes anteriores.
Estes paneis foron elaborados polo Colectivo Egeria.
Os diferentes soportes permitiron achegarse á biografía de Xela. Os alumnos falaron sobre datos alí expostos, leron algún poema, tamén dos adicados á homenaxeada no Día das Letras 2021..., e atenderon ás explicacións que o seu profesorado lles proporcionou para saber máis dela e da súa obra.
A Secretaría Xeral de Política Lingüística acaba de abrir, no Portal da Lingua Galega, un novo espazo sobre Xela Arias, a escritora que será homenaxeada o Día das Letras 2021:
Tamén hai unha exposición, que será itinerante: "Aquela nena de Sarria. Xela Arias".
Axunto o cartel (copiado de dita páxina):
VII XORNADAS DO DÍA DAS LETRAS GALEGAS. XELA ARIAS
Neste enlace atoparedes información para poder participar, de modo virtual, as tardes do 22 ó 29 de abril e do 5 e 13 de maio.
O poeta naceu un 16 de febreiro... e este ano é o 25 aniversario da súa morte.
Ximena López Aparici, de 2º C Eso, recita na Biblioteca un poema do autor.
Sen ti
Voz sen verbas:
silencio
Mar sen auga:
deserto
Sol sen raios :
misterio
Luz sen brillo:
coitelo
Man sen man:
un berro
Dor sen laios:
o tempo
Eu sen ti:
inferno
Antonio García Teijeiro, Na fogueira dos versos
Xa estamos facendo o concurso de oratoria improvisada nos distintos grupos.
É unha interesante actividade que comezou hai varios anos e na que o alumnado enche de creatividade un minuto de tempo co vocablo que lle toca defender.
Animádevos a participar!
A Casa Museo Manuel María convoca o IV Concurso de videopoemas sobre Rosalía e Manuel María.
As bases poden consultarse no enlace: Casa-Museo Manuel María (casamuseomanuelmaria.gal)
O prazo remata o 26 de marzo.
Animádevos! No noso centro xa participamos noutras ocasións en varias actividades convocadas.
