MÁIS CONCURSOS

A Real Academia Galega xunto coa Asociación PuntoGal organizan o V Certame de Microrrelatos, coa finalidade de reforzar a presenza da identidade galega no mundo dixital. De quererdes presentar algún texto, a data límite en calquera das tres categorías establecidas (infantil, xuvenil e persoas adultas) é o 28 de febreiro. Tedes as bases en: https://relatos.gal/.

Lembrámosvos que o prazo de envío de solicitudes para o Concurso de Curtas Senda Litoral de Galicia rematará o 28 de febreiro. Atoparedes máis información en:

https://www.lingua.gal/o-galego/promovelo/equipos-de-dinamizacion-da-lingua-galega/convocatorias-e-formacion?content=/Portal-Lingua/Contido/convocatoria/Premios/convocatoria_0144.html

 A Secretaría Xeral de Política Lingüística (SXPL), en colaboración coa Casa de Rosalía e a Deputación da Coruña, convoca o concurso #Estiquecantas para promover a creación de vídeos breves para as redes sociais inspirados na obra en galego de Rosalía de Castro. Poden participar rapaces e rapazas de 12 a 18 anos con traballos, individuais ou de grupo, que non sobrepasen os 60 segundos de duración. As obras deberán subirse como reel de Instagram ou ao TikTok, ata o 15 de marzo, sempre co cancelo #ESTIQUECANTAS e con mención á conta oficial da iniciativa: @estiquecantas. Podedes informarvos en:

 https://www.lingua.gal/a-secretaria-xeral/convocatorias/_/Premios/convocatoria_0149/estiquecantas

Ademais, a SXPL e a Dirección Xeral de Xuventude, Participación e Voluntariado tamén organizan, por undécima vez, Lingua de Namorar. Este certame de declaracións de amor en galego busca dinamizar o seu uso entre a mocidade, nas súas relacións persoais e en Internet. Está destinado a persoas con idades de 14 a 35 anos e establece tres categorías, unha delas exclusiva para Instagram. A data límite de recepción das mensaxes será o 18 de marzo. Tedes as bases na seguinte ligazón:

 https://www.lingua.gal/a-secretaria-xeral/actualidade/novas/-/nova/X66147/xunta-pon-marcha-undecima-edicion-certame-lsquo-lingua-namorarrsquo

A Asociación Ponte... nas ondas! convoca o V Certame de Recolla das Imaxes e Podcasts do Patrimonio Inmaterial Galego-Portugués, co obxectivo de promover a transmisión interxeracional e a recuperación e posta en valor das fotografías anteriores a 1970, para que poidan empregarse no ámbito escolar. Nesta edición, como novidade, inclúese unha categoría de podcasts. O prazo remata o 17 de xuño.  Podedes informarvos en:

https://www.lingua.gal/o-galego/promovelo/equipos-de-dinamizacion-da-lingua-galega/novidades/_/contido_1697/certame-recolla-das-imaxes-podcasts-patrimonio-inmaterial-galego-portugues