Do 14 ao 21 de febreiro celebramos a semana do amor e da amizade. A entrada do centro cubriuse de corazóns cheos de mensaxes de amor e de cartas escritas por estudantes de todos os niveis do centro. Ademáis, situouse a ventá dos brindos, na que se podían encargar brindos de calquera tema. Canta arte e canto talento temos entre estas paredes!
O dez de febreiro, o alumnado do Club de Debate participou en Lugo no Máis Debate, concretamente na fase de Competición de Discursos.
Participaron, nesta fase, Verónica Caplea de 3.º de ESO, Diego Expósito Díaz de 1.º de BAC e Ximena López Aparici e Demetrio González Álvarez de 2.º de BAC. Esta é unha fase previa ao torneo final, que terá lugar no mes de abril. Nas redes sociais da organización podedes seguir os resultados do torneo.
Instagram: mas_debate
Na páxina web do noso centro podedes ver imaxes da actividades.
O xoves 06 de febreiro celebramos na entrada od IES Río Cabe o día da Paz. Colaborando cunha idea que xurdiu da Biblioteca, o EDLG e os departamenos de Música, Plástica e as diferentes linguas do centro, celebrouse un acto que contou con varias actividades.
En primeiro lugar, creáronse gnomos con gorros laranxas (inspirados no movemento laranxa de Polonia) e lemas de aspectos que se perdían nos conflitos bélicos. A continuación, e en liña coa idea da revolución pacífica, o alumnado do centro elaborou propostas de revolucións pacíficas coas que se cubriu a columna da entrada. Durante o lecer, os profesores Xurxo e Nerea interpretaron Grandola Vila Morena e Clandestino e o alumnado de música de 2.º e 3.º de ESO, Bella Caos e o Himno da Alegría. Rematu o acto cun discurso elaborado por Demetrio, de 2.º de Bacharelato.
Nesta ligazón podedes ver algunhas das actuacións.
Deixámosvos algunhas imaxes, e podedes ver máis na seguinte ligazón.
Enmarcada na materia de Proxecto Competencial e vinculada a actividade brindeira do IES estivo a actividade que, na mañá do martes 28 de xaneiro, tivo lugaR: visita á emisora de Onda Cero Monforte. Alí, un grupo de alumnos coñeceu de primeira man a actividade da emisora e algúns detalles sobre a produción dun programa de radio. Ademais, os dou alumnos que participaran a fin de semana anterior no Campus de Regueifas de Vilalba foron entrevistados pola xornalista Manola Porto. Así, fixeron gala da súa capacidade improvisatoria e da súa habilidade para expresarse oralmente en galego.
Na páxina web do IES podedes ver algunhas imaxes da actividade.
Ademais, pinchando a seguinte imaxe, podedes acceder áo programa completo e, a partir do minuto 36, desfrutar da voz dos nosos alumnos e da súa profesora Sara Porrit.
O venres 24 de xaneiro tivo lugar na Coru´ña, na sede da Fundación Barrié de la Maza, o VII Torneo de Debate Académico. Ata alí desprazáronse 25 alumnos, dos cales nove participaron directamente nos debates mentres os demais ían de suplentes e, por formaren parto de Club de debate do IES, de público.
Os temas que tiveron que preparar non era doado: o grupo de 1.º, 2.º e 3.º de ESO debatiou sobre se a "A principal fonte transmisora de valores debe ser a familia ou a escola?"; o de 4.º de ESO e bacharelao, sobre se "Deberían os científicos da Estación Experimental de Pavlovk ter comido as sementes e as froitas que gardaron durante o sitio a Leningrado?"
A experiencia foi todo un éxito e xa están pensando nos seguintes eventos aos que irán: Maís Debate en Lugo e o Parlamento Xove.
Podedes ver a galería completa da actividade aquí.
Comezamos cos preparativos para participar nas actividades de Entroido promovidas polo concello de Monforte de Lemos.
En febreiro tocan compadres e comadres!
Esta fin de semana tivo lugar en Vilalba, no IES Basanta Silva, o I encontro entre novos regueifeiros. Xunto coa súa profesora Sara Porrit, representando ao noso IES acudiron dous alumnos, Alicia Vega e Lois Arias (de 2.º e 3.º de ESO respecticamente), que deixaron o listón ben alto e participaron, xunto con mozos doutros centros educativos galegos, nestas xornadas pioneiras que incluiron obradoiros de técnicas de improvisación, formación e debates sobre o futuro desta expresión cultural propia da nosa terra. Participaron, ademais, no Regueira Tour, onde tiveron oportunidade de amosar as súas habilidades antes o público no auditorio municial de Vilalba.
Deixámosvos, a continuación, a ligazón á canle de youtube desta inciativa e á nova da RTVG no telexornal do domingo. Pinchade nas imaxes!
O mércores 18 de decembro contamos no noso centro coa visita do escritor Manuel Vázquez coa conferencia "A vangarda está na Aldea". Trátase dunha actividade ofertada pola Vicepresidencia da Deputación de Lugo. Moi dinámico, Manuel falou co alumnado de 2.º de bacharelato e 3.º de PDC sobre prexuízos lingüísticos, a cultura labrega, a diversidade cultura e as vangardas.
Xa temos as postais gañadoras do Certame deste curso académico.
O primeiro e o segundo premio son creacións de dúas alumnas de 2.º de bacharelato. O terceiro premio é doble, xa que houbo dúas postais que acadaron a mesma puntuación, unha dunha alumna de 3.º de ESO e outra dunha alumna de Nocturno. Finalmente, o premio á mellor postal con texto en galego quedou en 1.º de ESO.
Deixámosvos unha imaxe das postais gañadoras. Agardamos que vos gusten tanto como a nós!
O terceiro premio é dobre, xa que houbo dúas postais que acadaron a mesma puntuación: a primeira estampa, en branco e negro, é autoría dunha alumna de nocturno; a segunda, cunha xenial persepctiva, dunha alumna de terceiro de ESO.
O segundo premio recaeu nunha alumna de 2.º de bacharelato, que nos ofreceu esta fermosísima ilustración clásica.
A postal gañadora foi esta orixinal fachada, na que se reflicten diversas esceas cotiás do Nadal. A marabilla é otra doutra das nosas alumnas de 2.º de bacharelato.
Finalmente, esta doce Campanilla, obra dunha alumna de 1.º de ESO, acadou o galardón a postal en Lingua galega.
Parabéns a todas!!
Do 5 ao 19 de decembro, temos no noso IES a mostra sobre música en galego Galegoza!, excelente labor de divulgación organizada porla Deputación de Lugo. Podedes ver imaxes da mesma na web do IES, pinchando aquí.
Para achegar ao noso alumnado á esta opción de lecer, dende o EDGL organizamos unha actividade na que deben atopar informaión nos carteis da mostra, ubicados na entrada do centro e no corredor da cafetaría. Que mellor xeito de rematar o ano que coa nosa música!
Os próximos días, en colaboración co Instituto da Lingua Galega e o Centro de Investigación Ramón Piñeiro para a Investigación en Humanidades, o alumnado de 4.º da ESO participará un proxecto de investigación sobre o estudo do léxico habitual entre a mocidade.
O próximo venres 13 de decembro, e froito dunha inciativa do noso alumnado de 3.º de ESO, celebrarase no pavillón do IES Río Cabe un Festival solidario con Valencia, cuxo obxectivo é recoller xoguetes para, en colaboración con Escola Valenciana, enviar ás familias afectadas pola DINA. Dende o EDLG, organizamos un contacontos que levarán a cabo dúas alumnas de 3.º de ESO. Seguro que será un éxito!
Pasado o día, podemos dicir que o noso Contacontos foi un éxito. A historia era fermosísima, as nosas alumnas fixérono xenial e os cativos aplaudieron entusiasmado. Deixámosvos unha imaxe do momento, no que Naiara e Dhaiana acompañan o seu relato coas fermosas ilustracións do libro original. Grazas!
Un ano máis, o EDLG e a Biblioteca do IES Río cabe convocamos o certame de postais de Nadal. Exporanse na entrada do centro e a máis votada será a felicitación oficial do noso centro educativo.
Podedes ver as bases a continuación.
.png)
O venres 29 de novembro tivemos no IES Río Cabe ao escritor Carlos Quiroga, nun encontro ao que asistiu o alumnado de 1.º e 2.º de bacharelato.
O luns seguinte, o 25, alumnado de 2.º e 3.º de ESO do Club de brindos realizou unha boa mostra brindeira na Residencia de mariores do mesmo municipio, acompañados de alumnos do CEIP. Foi unha xornada moi enriquecedora para todos e todas!
O 25 de novembro, no IES Río Cabe reivindicamos o Día internacional contra a violencia de xénero, reivindicación que, ano tras ano, segue sendo, desgraciadamente, necesaria. Neste 2024, foran corenta as mulleres asasinadas ata o venres 22 de novembro. O propio luns 25 volveron saltar as alarmas e a prensa informaba dunha nova vítima de violencia de xénero, de tan só 15 anos.
Transformamos a entrada do centro coa finalidade de ofrecer un gran impacto visual e sentimental. Queriamos mover sensibilidades, facer reflexionar, e cremos que o conseguimos. O baleiro que deixas foi o nome desta actividade, que empregou dúas vertentes: por un lado, o recordo dos nomes, idades e causa da morte das corenta mulleres que perderon a vida a mans das súas parellas ou exparellas ao longo do 2040; por outro, sillas cubertas con lenzos brancos e con obxectos persoais de muller e nena facían fincapé en todo o que implica un asasinato: baleiro, lembranzas, soños rotos, desexos que non se cumprirán, vidas truncadas e vidas marcadas. Finalmente, o alumnado da ESO redactou frases que, a día de hoxe, seguen a ser moi necesarias e que completaron esta actividade.
No recreo, Demetrio, alumno de 2.º de bacharelato, leu unha sentida reivindicación e os profesores Xurxo e Nerea interpretaron o Negra sombra de Rosalía.
No blog da biblioteca podedes ver máis imaxes da actividades.
O pasado 21 de outubro conmemoramos no IES o día adicado ao cancro de mama, coa finalidade de visibilizar esa enfermidade e de apoiar a tan necesaria investigación. Leváronse a cabo dúas actividades fundamentais: por un lado, a composición dun gran lazo humano no pavillón do centro. Por outro lado, o alumnado de 1.º da ESO elaborou uns carteis para ofrecer información sobre esta enfermidade, carteis que estiveron todo o mes expostos nun dos corredores máis transitados: o da cafetaría!
O mes de outubro rematou, no noso IES, cunha chea de actividades tan variadas como tenebrosas. Deixámosvos unha mostra das mesmas:
- RELATOS DE SAMAÍN co alumnado de 2.º de ESO, en colaboración co Dpto. de LGL e seguindo unhas pautas ben inquedantes.
- BRINDOS DE MEDOS, co Club de brindos. No tempo de lecer os participantes improvisaron brindos de medo a partir de diferentes elementos que producen o dito sentimento (gañaron, sen dúbida, as arañas e as matemáticas).
- ORLA TERRORÍFICA coas emocións, en colaboración co Dpto. de Plástica. Neste espectacular traballo, os bocetos feitos polo alumnado relaciónanse cos nomes en galego das emocións representadas e coa explicación das mesmas.
- Concurso de disfraces
_page-0001.jpg)
No mes de outubro tivo lugar na Biblioteca do centro un obradoiro de escritura creativa, levado a cabo pola profesora de Departamento de Lingua galega Sara Porrit e pola poeta Noa Moreiras.
Na primeira sesión, dirixida por Sara Porrit e titulada "Recunchos de letras" os alumnos de 3.º ESO elaboraron textos literarios de diversos xéneros litrerarios.
Na segunda sesión, guiada por Noa Moreiras, elaboraron poemas. Deixámosvos unha pequena mostra gráfica, mais poderedes ver máis imaxes da actividade no blog da biblioteca do centro.
Coma todos os anos, animámosvos a participar nos certames de creación literaria convocados por diferentes entidades. Neste momento están en prazo os LIII Premios literarios Minerva, organizados polo Colexio M. Peleteiro de Santiago de Compostela e o XIX Certame de Narración Curta do Concello de Curtis.
Animádevos!!
Coma sempre, podedes consultar as bases, ademais de no taboleiro do EDLG do centro, premendo nas imaxes:
Partipamos no XIII concurso de Narración oral Tíralle da lingua.
Podedes ver as bases premendo na seguinte imaxe:
